தகவல் தொழில்நுட்ப சேவை நிறுவனமான இன்ஃபோசிஸ், மகாராஷ்டிராவின் நாக்பூரில் உள்ள மிஹான்-SEZ இல் புதிய மேம்பாட்டு மையத்தை சனிக்கிழமை திறந்து ள்ளது.
2,65,000 சதுர அடி பரப்பளவில் உள்ள இந்த மையத்தின் வளர்ச்சிக்காக இன்ஃபோசிஸ் ரூ.230 கோடிக்கு மேல் முதலீடு செய்துள்ளது. இந்த மையம் ஊழியர்களுக்கு ஹைப்ரிட் முறையில் பணிபுரிய அதிக நெகிழ்வுத்தன்மையை வழங்குவதோடு, உள்ளூர் திறமைகளை மறு-திறன் மற்றும் திறன்களை மேம்படுத்தவும் உதவும்.
இந்த புதிய மையம், தொலைத்தொடர்பு, வங்கி, சில்லறை விற்பனை, விண்வெளி, ஆட்டோமொபைல், தளவாடங்கள் மற்றும் உற்பத்தி போன்ற பல தொழில்களில் கிளவுட், AI மற்றும் டிஜிட்டல் போன்ற அடுத்த தலைமுறை தொழில்நுட்பங்களில் பணிபுரியும் வாய்ப்பையும் வழங்கும்.
இன்ஃபோசிஸின் எதிர்கால-தயாரான ஹைப்ரிட் பணியிட யுக்திக்கு ஏற்ப 3,000 க்கும் மேற்பட்ட ஊழியர்களுக்கு இது இடமளிக்கும் என்று இன்ஃபோசிஸ் தனது அறிக்கையில் தெரிவித்துள்ளது.
இன்ஃபோசிஸ் மூத்த நிர்வாகிகள் முன்னிலையில் இந்த மேம்பாட்டு மையத்தை மத்திய அமைச்சர் நிதின் கட்கரி மற்றும் மகாராஷ்டிர துணை முதல்வர் தேவேந்திர ஃபட்னாவிஸ் ஆகியோர் திறந்து வைத்தனர்.
