வெற்றி பெற்ற பிராண்ட்கள் ஒவ்வொன்றும் ஒரு தனித்துவமான கதை சொல்கின்றன.
இந்தியாவின் பொருளாதாரம் அசுர வேகத்தில் வளர்ந்து வருகிறது. சர்வதேச நாணய நிதியம் (IMF) போன்ற உலகளாவிய அமைப்புகளின் கணிப்புப்படி, உலகின் மிகப் பெரிய பொருளாதார சக்திகளைக் கொண்ட நாடுகளில் இந்தியா தற்போது நான்காவது இடத்தில் உள்ளது. அடுத்த சில ஆண்டுகளில், உலகின் மூன்றாவது பெரிய பொருளாதாரமாக இந்தியா உருவெடுக்கும் என்று எதிர்பார்க்கப்படுகிறது. இத்தகைய மாபெரும் மற்றும் பன்முகத்தன்மை கொண்ட சந்தையில், சில பிராண்ட்கள், வணிகப் பெயர்கள் மட்டுமல்ல; அவை நம் கலாச்சாரத்துடனும், தலைமுறைகள் தாண்டி மக்களின் வாழ்வில் ஒரு பகுதியாகவும் இரண்டறக் கலந்துவிட்டன.
வெற்றி பெற்ற பிராண்ட்கள் ஒவ்வொன்றும் ஒரு தனித்துவமான கதை சொல்கின்றன. இந்தியச் சந்தை அதன் பிரம்மாண்டமான மக்கள் தொகை, வேகமாக வளர்ந்து வரும் நடுத்தர வர்க்கம், இளைஞர்களின் ஆதிக்கம் மற்றும் அதிகரித்து வரும் டிஜிட்டல்மயமாக்கல் ஆகியவற்றால் உலக நாடுகளின் கவனத்தை ஈர்த்து வருகிறது. நகர்ப்புற நுகர்வோரின் நவீன தேவைகளும், கிராமப்புற சந்தையின் பாரம்பரிய மற்றும் மலிவு விலைக்கான தேவையும் இந்தியச் சந்தையை தனித்துவமாக்குகின்றன.
இந்தப் போட்டி நிறைந்த சூழலில், தயாரிப்புகளை விற்பனை செய்வதோடு மக்களின் உணர்வுகளுடன் ஒன்றிணைந்து, நம்பிக்கையை வென்ற பிராண்டுகளே நிலைத்து நிற்கின்றன.
இந்தத் தொடரில், இந்தியாவின் இதயத்துடிப்புடன் இணைந்த, பில்லியன் கணக்கான மக்களின் நம்பிக்கையையும், அன்பையும் வென்ற சில முன்னணி பிராண்டுகளின் வெற்றிக் கதைகளை நாம் ஆராயப் போகிறோம். ஒரு சிறிய முயற்சியாகத் தொடங்கி, எப்படி மாபெரும் சாம்ராஜ்யங்களாக அவை உயர்ந்தன? சவால்களை எப்படி சந்தித்தன? மக்களின் மனதில் நீங்கா இடம் பிடிக்க அவை கையாண்ட யுக்திகள் என்ன? அவற்றின் விளம்பரங்கள் எப்படி வடிவமைக்கப்பட்டன? வாருங்கள், இந்தியாவின் பெருமைமிகு பிராண்டுகளின் பின்னணியில் உள்ள வியக்க வைக்கும் வரலாற்றையும், சந்தைப்படுத்தல் மந்திரத்தையும் ஒருசேரக் கண்டறிவோம்.
உங்கள் வணிக வெற்றிக்கான வழிகாட்டி
இந்த வெற்றி கதைகள், பிராண்டை உருவாக்குவது என்பது ஒரு கலை என்பதை நிரூபிக்கின்றன. இன்றைய புதிய தொழில்முனைவோர் மற்றும் வணிகத் தலைவர்கள், இந்தக் கதைகளில் இருந்து, மக்களுடன் உணர்வுபூர்வமான பிணைப்பை உருவாக்குவது, புதுமையான பிராண்டிங் உத்திகளைக் கையாள்வது, மற்றும் ஒரு தயாரிப்பை பொருளாகப் மட்டும் பார்த்து விற்பனை செய்யாமல் , ஒரு தனித்துவமான அனுபவமாக வழங்குவது எப்படி என்பதைப் பற்றிய மதிப்புமிக்க பாடங்களைக் கற்றுக் கொள்ளலாம். இந்த பிராண்டுகள் தங்கள் வெற்றிப் பயணத்தில் கையாண்ட யுக்திகளை அறிந்து கொள்வதன் மூலம், நீங்களும் உங்கள் பிராண்டை அடுத்த நிலைக்குக் கொண்டு செல்ல தேவையான உத்வேகத்தையும், வழிகாட்டுதலையும் பெறுவீர்கள்.